Trig na my se Wortels toe

Vir jarre al, nog van voorat ek my ou anner helfte leer ken het, lees ek net Ingels. Ek meen te sê, hoevil Drickey Beukeses en Tryna du Toits ka mens dan nou eintlik lees voorat jy elke boek se storie vooruit ken. Dan maar liewersters Mills en Boons, daar is mos darem die thrill van anner lande by. Die Karooplase ennie wynplase en nie Bosveldplase raak mos narehand skoon afgesae.

Maar nou ja, so met allie Ingels gelesery kom ek toe mossie agter ek is besig om my eie taal te veloorie. Nourie aand, half moeg van my Ingelse blog, prebeer ek toe ‘n ietsie in Afrikaans skrywe, maar O weë, nie i inkele woord wil vassit oppie papierie. Enis toe lat ek besluit, kom wind of weer, hoog of laag, dywel of diepsee, jy wat Anna is, ga leer om in jou eie taal te skrywe. Vir lank genoeg nou het jy anner lanne se goeters gelees. Nou ga jy Afrikaans lees. Maar oe, tog nettie weer van afgesae liefdes op droogte plase nie. So gedink, so gedoen.

Nerrie volgene mirrag toe sit ek af biblieteek toe en oe mens, daar sien ek toe mos die mooiste nuwe boeke oppe rak. Gryp toe ok sommer een en begin hie by die derigste page, of daaromtrent, te lees, maar ai, toe ek lees lat haar wit broekie innie maanlig innie stroompie afgedrywe het, toe sê ek vir myselwers: “Anna, hierrie Afrikaans het nou net soos Mills en Boon gewôre” en by the way, wat sal onse Pastoor dink as hy hierie boek in my hys sien met sy volgene hysbesoek?”

Vra toe maar die biblietekaresse. Oulike vrou met sukke wille hare met rooierige en gelerige stukkies in wat lyk soos assie son deur i yl boom se blare oppie grond val. Nogal mooi ook vir i biblitiekaresse. Laaste toe ek inie biblieteek was het die anties daar sukke stywe bollas gehad met sukke arty necklaces en onnerbaadjies – ookal jarre gelede, nog innie dae van die sensorbord – seker ok maar hoekom ons nie toe drywende broekies in boeke gekry het nie.

Vertel haar toe my storie van hoelat ek in Afrikaans wil leer skrywe. Sy beginne toe daar boeke ytpak en ek beginne te lees, sommer so los en vas, hier en daar innie boeke, maar dis sukke groot en slim woore, ek verstaan niksie. Toe vat ek maarie boek met die broekie in en nog i anner een. Een met so i half kale meisiekind voorop, met haar kop so agteroor en haar mond oop asof sy nie lekker asem kry nie, en haar oë toe. Sal maarie boeke in my slaapkamer hou, Pastoor sal mos darem sekerie daar hysbesoek hou nie.

Snaaks, die laaste paar dae, vannat ek die boeke beginte lees het, loop my ou anner helfte die hele tyd met i smile oppie gesig, nes of hy die lotto gewen het.

2 responses to “Trig na my se Wortels toe

  1. Hai jinne Anna! Lat jy nou allie tyd van die vikeere rak af uitgeneem het, en so veringils het lat jy wragtag glo daas nog mense wat die lotto wen!

    Nee genade, daas darem boeke sonir penties ook te lees. Was nog altyd. Nooit te laat om jouselwers te bekeer nie.

    Welkom terug, aai suppose?

    • Hello Skoor, dankie dat jy my kom besoek het (sien ek kan darem ordentlik ook praat). Ek is die laaste tyd soos ‘n vark in Palestina oor al die lekker skrywers wat ek nou ontdek het… dis heerlik om Afrikaans te lees vir ‘n slag. En dankie ook vir die verwelkoming. Julle moet maar geduldig met my wees, ek leer nog. Groetnis, Anna.

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s